मुंबई : रस्त्यांच्या कॉंक्रीटीकरणाची कामे सुरू असताना अभियंत्यांनी प्रत्यक्ष कार्यस्थळी (ऑन फिल्ड) उपस्थित राहणे अनिवार्य आहे, अधिक गतीने कामे करताना गुणवत्तापूर्ण कामांवर लक्ष केंद्रित करावे, असे सक्त निर्देश अतिरिक्त महानगरपालिका आयुक्त (प्रकल्प) अभिजीत बांगर यांनी दिले आहेत. दिवसाऐवजी रात्रीचे तापमान कमी असते. त्यामुळे काँक्रिटीकरणाची कामे रात्री केली जात आहेत. त्यामुळे दुय्यम अभियंता, सहायक अभियंत्यांनी रात्रीच्या वेळी प्रकल्पस्थळी उपस्थित राहणे अनिवार्य आहे, असे आदेशही बांगर यांनी दिले आहेत.